அரசாங்க அதிகாரிகளுக்கு மகிழ்ச்சியான தகவல்! விசேட கொடுப்பனவு எவ்வளவு தெரியுமா?

image_pdfimage_print

விசேட கொடுப்பனவு!

அரசாங்க நிறைவேற்று அதிகாரிகளுக்கு 15000 ரூபாவை விசேட கொடுப்பனவாக வழங்க தீர்மானித்துள்ளதாக பொது நிர்வாகம், உள்துறை, மாகாண சபைகள் மற்றும் உள்ளுராட்சி அமைச்சு தெரிவித்துள்ளது.

எதிர்வரும் ஜனவரி முதலாம் திகதி முதல் இந்த நடைமுறை அமுலுக்கு வரவுள்ளது.

அதற்கான சுற்றறிக்கையை எதிர்வரும் வாரம் வெளியிடுவதற்கு நடவடிக்கை மேற்கொள்ளப்பட்டு வருவதாக அமைச்சின் செயலாளர் சிறிபால ஹெட்டிஆராச்சி தெரிவித்துள்ளார்.

தங்களுக்கு விசேட கொடுப்பனவு வழங்குமாறு கோரி கடந்த அரசாங்கத்தின் அரச நிறைவேற்று அதிகாரிகளின் சங்கம் தொடர் பணி பகிஷ்கரிப்பில் ஈடுபட்டு வந்தது.

இது தொடர்பில் ஆராய்ந்து அவர்களுக்கு 15000 ரூபா விசேட கொடுப்பனவு வழங்குவதற்கு கடந்த அரசாங்கத்தின் அமைச்சரவை அனுமதி வழங்கியுள்ளது.

அதற்கமைய அரசாங்க நிறைவேற்று அதிகாரிகளுக்காக இந்த கொடுப்பனவு வழங்கப்படவுள்ளதாக அவர் மேலும் தெரிவித்துள்ளார்.

POPULAR POST:

கோட்டாபயவைப் போல விமான நிலையத்தில் நடந்து கொண்ட இராஜாங்க அமைச்சர்!

ஜனாதிபதி கோட்டாபய ராஜபக்சவினை பின்பற்றி இராஜாங்க அமைச்சர் துமிந்த திசாநாயக்க விமான நிலையத்திலிருந்து வெளிநாடு புறப்பட்டுச் சென்றுள்ளார்.

விமான நிலையத்தில் சாதாரண பயணிகள் பகுதி ஊடாக அவர் நேபால் நாட்டிற்கு சென்றுள்ளதாக தெரிவிக்கப்படுகின்றது.

பிரபுக்கள் செல்லும் பிரத்தியேக நுழைவுப் பாதையின் ஊடாக செல்ல முடியுமாக இருந்தும், சாதாரண பயணிகள் செல்லும் வழியில் அவர் விமானத்தில் ஏறியுள்ளதாகவும் கூறப்படுகின்றது.

அண்மையில் ஜனாதிபதி கோட்டாபய ராஜபக்ச, தான் பதவி ஏற்றதன் பின்னர் தனது முதலாவது விஜயமாக இந்தியாவிற்கு சென்ற போது கட்டுநாயக்க விமான நிலையத்தில் நீண்ட தூரம் நடந்து சென்று சாதாரண பயணிகள் செல்லும் பாதையின் ஊடாக விமானத்திற்கு சென்றிருந்தார்.

இந்த நிலையில் அவரைப் பின்பற்றி இன்று இராஜாங்க அமைச்சர் துமிந்த திசாநாயக்கவும் இவ்வாறு சென்றிருப்பது அனைவரது கனவத்தையும் ஈர்த்துள்ளது.