விமான நிலையத்தை திறப்பது குறித்து எந்த தீர்மானமும் இல்லை..
இலங்கையில் வெளிநாட்டு சுற்றுலா பயணிகளுக்காக ஓகஸ்ட் முதல் வாரத்தில் விமான நிலையத்தை திறப்பதற்கு தீர்மானிக்கப்பட்டிருந்த போதும் தற்போது நாட்டின் விமான நிலையங்களை மீண்டும் திறப்பதற்கான முடிவு இன்னும் அரசாங்கத்தால் தீர்மானிக்கப்படவில்லை என்று தெரிவிக்கப்பட்டுள்ளது.
நாட்டில் விமான நிலையங்களை எப்போது திறப்பது என்று அரசாங்கம் இன்னும் முடிவு செய்யவில்லை என விமான நிலையம் மற்றும் விமான சேவைகள் நிறுவனத்தின் தலைவர் மேஜர் ஜெனரல் ஜீ.ஏ சந்திரசிறி குறிப்பிட்டுள்ளார்.
கொரோனா பரவலை தொடர்ந்து நாட்டின் சுற்றுலாத் துறையை மீட்டெடுக்க ஓகஸ்ட் முதலாம் திகதி முதல் பண்டாரநாயக்க சர்வதேச விமான நிலையத்தையும் மத்தளை சர்வதேச விமான நிலையத்தையும் மீண்டும் திறக்க அரசாங்கம் முன்னதாக தீர்மானித்திருந்தது.
மேலும் வெளிநாட்டில் உள்ளவர்களை அழைத்துவரும் நடவடிக்கைகள் ஓகஸ்ட் 8 ஆம் திகதி தொடங்கும் என்றும் அதன்படி ஒருநாளும் ஒருவிமானம் செயற்படும் என்றும் சுமார் 700 இலங்கையர்கள் நாளொன்றுக்கு நாடு திரும்புவார்கள் எனவும் அதிகாரப்பூர்வமற்ற தகவல்கள் தெரிவிக்கின்றன.
அதன்படி, 40,000 க்கும் மேற்பட்ட இலங்கையர்கள் நாடு திரும்பக் காத்திருக்கிறார்கள் என்பதோடு தற்போது வரை சுமார் 12,000 பேர் நாடு திரும்பியுள்ளமையாக தெரிவிக்கப்பட்டுள்ளது.
