இன்றைய ராசிபலன்: 11.01.2021: மார்கழி மாதம் 27ம் தேதி: இன்று உங்கள் ராசிக்கு என்ன பலன்!

ஜனவரி 11,2021


இன்று!
சார்வரி வருடம், மார்கழி 27, 11.1.2021, திங்கட்கிழமை,
தேய்பிறை, திரயோதசி திதி மதியம் 2:03 வரை,
அதன்பின் சதுர்த்தசி திதி, கேட்டை நட்சத்திரம் காலை 8:50 வரை,
அதன்பின் மூலம் நட்சத்திரம், சித்த – அமிர்தயோகம்.

நல்ல நேரம் : காலை 6.00 மணி முதல் காலை 7.30 மணி வரை.
ராகு காலம் : காலை 7.30 மணி முதல் காலை 9.00 மணி வரை.
எமகண்டம் : காலை 10.30 மணி முதல் பிற்பகல் 12.00 மணி வரை.
குளிகை : பிற்பகல் 1.30 மணி முதல் பிற்பகல் 3.00 மணி வரை.
சூலம் : கிழக்கு

பரிகாரம் : தயிர்
சந்திராஷ்டமம் : கார்த்திகை
பொது : மாத சிவராத்திரி

மேஷம்:

மனதில் இருந்துவந்த குழப்பங்கள் நீங்கி தெளிவு கிடைக்கும். முக்கியமான சில காரியங்களை செய்து முடிக்க அலைச்சல்கள் உண்டாகும். உயர் அதிகாரிகளால் அனுகூலமான சூழல் அமையும். எதிர்காலம் தொடர்பான முயற்சிகளும், சிந்தனைகளும் மேம்படும்.

ரிஷபம்:

பிள்ளைகள் பிடிவாதமாக சில விஷயங்களில் செயல்படுவார்கள். மனதிற்கு நெருக்கமானவர்கள் சில நேரங்களில் உதாசீனப்படுத்தும் விதமாக நடந்து கொள்வார்கள். வியாபாரம் தொடர்பான பணிகளில் மந்தமான சூழ்நிலைகள் காணப்படும். உத்தியோகம் தொடர்பான பணிகளில் இருப்பவர்களுக்கு பொறுப்புகள் அதிகரிக்கும்.

மிதுனம்:

முக்கிய பிரமுகர்களின் அறிமுகத்தின் மூலம் மாற்றங்கள் உண்டாகும். போட்டி தொடர்பான செயல்பாடுகளில் ஆர்வத்துடன் கலந்து கொள்வீர்கள். வர்த்தகம் தொடர்பான முதலீடுகளில் தகுந்த ஆலோசனைகளை பெற்று முடிவுகள் எடுக்கவும். உத்தியோக மாற்றம் தொடர்பான செயல்பாடுகளில் எதிர்பார்த்த உதவிகள் கிடைக்கும்.

கடகம்:

பிள்ளைகள் விரும்பியதை வாங்கிக் கொடுப்பீர்கள். வியாபாரம் தொடர்பான பணிகளில் நிலுவையில் இருந்துவந்த தனவரவுகள் கிடைப்பதற்கான சூழ்நிலைகள் ஏற்படும். வெளிவட்டார தொடர்புகளின் மூலம் புதுவிதமான அனுபவம் உண்டாகும். உத்தியோகம் தொடர்பான பணிகளில் சில நுணுக்கங்களை அறிந்து கொள்வீர்கள்.

சிம்மம்:

குடும்பத்தில் மகிழ்ச்சியான சூழ்நிலைகள் காணப்படும். உறவினர்களின் வழியில் ஆதரவு கிடைக்கும். வாரிசுகளின் எண்ணங்களை அறிந்து செயல்படுவீர்கள். பிள்ளைகளின் மூலம் மகிழ்ச்சியான செய்திகள் கிடைக்கும். மனை தொடர்பான செயல்பாடுகளால் இலாபம் மேம்படும்.

கன்னி:

உத்தியோகம் தொடர்பான பணிகளில் திறமைகளை வெளிப்படுத்துவதற்கான சூழ்நிலைகள் அமையும். திட்டமிட்ட பணிகளை எதிர்பார்த்த விதத்தில் செய்து முடிப்பீர்கள். தாய்வழி உறவினர்களால் அனுகூலம் உண்டாகும். வாகன வசதிகள் மேம்படுத்துவதற்கான சிந்தனைகள் மேம்படும். குடும்பத்தில் சிறு சிறு மாற்றங்களை செய்து மனம் மகிழ்வீர்கள்.

துலாம்:

மனதில் தன்னம்பிக்கையுடன் புதிய முடிவுகளை எடுப்பீர்கள். உடன்பிறந்தவர்களின் மூலம் செய்யும் முயற்சிகளுக்கு ஆதரவு கிடைக்கும். உத்தியோக உயர்வு தொடர்பான முயற்சிகளில் எதிர்பார்த்த எண்ணங்கள் ஈடேறும். சொத்துக்கள் தொடர்பான பிரச்சனைகளுக்கு தீர்வு கிடைக்கும்.

விருச்சகம்:

மனதில் நினைத்த காரியங்களை நிறைவேற்றுவதற்கான வாய்ப்புகள் கிடைக்கும். உணர்ச்சிவசப்பட்டு சில முடிவுகளை எடுக்க வேண்டாம். குடும்ப உறுப்பினர்களிடம் விட்டுக்கொடுத்து செல்லவும். தனவரவுகள் தொடர்பான சிந்தனைகள் அதிகரிக்கும்.

தனுசு:

கணவன், மனைவிக்கிடையே அன்யோன்யம் அதிகரிக்கும். நீண்ட நாள் பிரச்சனைகளுக்கு தீர்வு கிடைக்கும். புதிய செயல்பாடுகளில் ஈடுபட்டு மனம் மகிழ்வீர்கள். தற்பெருமை சார்ந்த சிந்தனைகளை குறைத்து கொள்ளவும். ஆரோக்கியம் தொடர்பான செயல்பாடுகளில் கவனம் வேண்டும்.

மகரம்:

ஆடம்பர செலவுகளை குறைத்து சேமிப்பது தொடர்பான சிந்தனைகள் மேம்படும். ஆன்மிகம் தொடர்பான செயல்பாடுகளில் ஆர்வம் உண்டாகும். நயமான பேச்சுக்களின் மூலம் தனலாபம் அடைவீர்கள். உடனிருப்பவர்களிடம் சிறு சிறு கருத்து வேறுபாடுகள் அவ்வப்போது ஏற்பட்டு மறையும்.

கும்பம்:

அலுவலகம் தொடர்பான செயல்பாடுகளில் ஆதரவு கிடைக்கும். வியாபாரம் தொடர்பான பணிகளில் செய்யும் சிறு மாற்றங்களின் மூலம் இலாபம் மேம்படும். எதிர்பார்த்த தனம் சார்ந்த உதவிகள் கிடைக்கும். நீண்ட நாட்களாக சந்திக்க நினைத்த ஒருவரை சந்தித்து மனம் மகிழ்வீர்கள்.

மீனம்:

தந்தைவழி உறவினர்களின் மூலம் தொழில் சார்ந்த ஆதாயம் கிடைக்கும். வெளிவட்டாரங்களில் மதிப்பும், புதிய அனுபவமும் கிடைக்கும். வியாபாரத்தில் பங்குதாரர்களின் அறிவுரைகளும், ஒத்துழைப்பும் மனதிருப்தியை ஏற்படுத்தும். உத்தியோகத்தில் சக ஊழியர்களின் ஆதரவு கிடைக்கும். மனதில் இருக்கும் ஆசைகளை நிறைவேற்றி கொள்வதற்கான வாய்ப்புகள் ஏற்படும்.