கணவனை கொலை செய்தமைக்காக பல கொலைகள் செய்த பெண்…! புரட்டியெடுக்கும் உயிர் பயம்..!

இந்தியாவில்…

இந்தியாவில் முன்னாள் சபாநாயகர் உட்பட பல கொலை வழக்குகளில் தொடர்புடைய பெண் வேட்பு மனு தாக்கல் செய்ய வந்தபோது கைது செய்யப்பட்டுள்ளார்.

கணவனை கொன்றவர்களை பழி வாங்குவதாக சபதம் செய்து அதன்படி புதுச்சேரி முன்னால் சபாநாயகர் உட்பட பல கொலைகளை செய்து தாதாவாக வளம் வந்த பெண் வேட்பு மனு தாக்கல் செய்ய வந்தபோது கைது செய்யப்பட்டதாக தெரிவிக்கப்படுகின்றது.

புதுச்சேரி மாநிலம் காரைக்கால் மாவட்டத்தில் உள்ள திரு. பட்டினம் பகுதியைச் சேர்ந்தவர் எழிலரசி. இவர்வரும் சட்டமன்ற தேர்தலில் நிரவி திருப்பட்டினம் தொகுதியில் தனித்து போட்டியிடுவதற்காக வேட்பு மனுவை தாக்கல் செய்ய வந்தபோது, போலீசார் அவரை கூண்டில் ஏற்று கொண்டு சென்ற சம்பவம் பெரும் பரபரப்பை ஏற்படுத்தியுள்ளது. எழிலரசி கைது செய்யப்பட்டதன் காரணம் தற்போது வெளியாகியுள்ளது.

காரைக்கால் திருமலைராயன்பட்டினத்தைச் சேர்ந்தவர் ராதாகிருஷ்ணன். கள்ளச்சாராயம் காய்ச்சி வந்த ராதாகிருஷ்ணன் வினோதா என்பவரை திருமணம் செய்துள்ளார். பின்னர் கள்ளச்சாராய தொழிலில் போலீஸ் தலையீடு அதிகம் வரவே, வீடு கட்டுமான பணியில் ஈடுபட தொடங்கியுள்ளார். இந்நிலையில், ராதாகிருஷ்ணன் எழிலரசியை இரண்டாவதாக திருமணம் செய்துகொண்டதாக கூறப்படுகிறது. அப்போது ஏற்பட்ட தகராறில் வினோதா பிரிந்து சென்றுவிட்ட நிலையில், கணவனையும் எழிலரசியையும் பழிவாங்க திட்டமிட்டுள்ளார்.

அதன்படி கடந்த 2013 இல் காரைக்குடி அருகே இரு சக்கர வாகனத்தில் ராதாகிருஷ்ணனும், எழிலரசியும் சென்று கொண்டிருந்தபோது மர்ம கும்பல் ஒன்று இருவரையும் சரமாரியாக வெட்டியுள்ளது. அதில் ராதாகிருஷ்ணன் சம்பவ இடத்திலேயே இறந்துவிட, எழிலரசி மட்டும் உயிர் பிழைத்துக்கொண்டார். இதையடுத்து, கணவனை கொன்ற வினோதாவையும், அவரது கூட்டாளிகளையும் பழி வாங்க எழிலரசி சபதம் செய்துள்ளார். அதன்படி, சீர்காழி அருகே காரில் சென்று கொண்டிருந்த வினோதா மர்ம கும்பலால் வெட்டி படுகொ.லை செய்யப்பட்டார். அதனை தொடர்ந்து, ராதாகிருஷ்ணின் கொலையில் வினோதாவுக்கு உதவிய ராமு, வைத்தி ஆகியோரும் படுகொ லை செய்யப்பட்டனர்.

தொடர்ந்து, ராதாகிருஷ்ணன் கொலையில் கைதாகி வெளியே வந்த டிராவல்ஸ் உரிமையாளர் ஐயப்பன் என்பவரும் வெட்டி கொலை செய்யப்பட்டார். இந்த சம்பவத்துக்கு பின்னர் போலீசாரால் கைது செய்யப்பட்ட எழிலரசி நிபந்தனை ஜாமீனில் வெளிவந்தார். ஆனாலும் எழிலரசியின் வேட்டை முடிவு பெறவில்லை. கணவன் ராதாகிருஷ்ணனின் கொலையில் சம்மந்தப்பட்டவர்களை வேரோடு அழிக்க சபதம் எடுத்திருந்த எழிலரசி, புதுச்சேரி முன்னாள் சபாநாயகர் சிவகுமாருக்கும் கணவனின் கொலையில் சம்மந்தம் இருப்பதாக கூறி அவரை செல்போனில் மிரட்டி வந்துள்ளார்.


அதன்படி, கடந்த 2017ம் ஆண்டு நிரவியில் நடைபெற்று வந்த தனது திருமண மண்டப கட்டுமானப் பணிகளைப் பார்வையிடச் சென்ற சிவக்குமார் மீது நாட்டு வெடிகுண்டுகளை வீசியும், அரிவாளால் வெட்டியும் எழிலரசியின் கும்பல் கொலை செய்தது. இந்த சூழலில் மீண்டும் கைது செய்யப்பட்ட எழிலரசி 10 மாதங்கள் கழித்து வெளியே வந்தார். இந்த முறையும் வேட்டையை தொடங்கிய எழிலரசி, தனது கணவரின் முதல் மனைவியான வினோதாவின் தங்கை கணவரை கொலை செய்ய திட்டமிட்டார். அதற்காக ரவுடிகளுடன் நடச்சத்திர விடுதியில் ஆலோசனை மேற்கொண்ட போது, போலீசார் ரவுண்டு கட்டி அனைவரையும் கைது செய்தனர். இந்த முறை ஜாமீனில் வெளிவந்த எழிலரசி, தனது உயிருக்கு ஆபத்து இருப்பதாக கருதி யாருக்கும் தெரியாமல் பதுங்கி வாழ்ந்து வந்தார். இதனிடையே பாஜகவிலும் தன்னை இணைத்துக்கொண்டார். ஆறு பிடி வாரண்ட்டுகள் நிலுவையில் இருக்கும் நிலையில் நிரவி-திருப்பட்டினம் தொகுதியில் போட்டியிடுவதற்காக வேட்பு மனுவை தாக்கல் செய்ய சென்ற எழிலரசியை போலீசார் கைது செய்தனர்.