பசிக்கு சோறு போட்ட பெண் கதற கதற கொலை..! சென்னையில் அதிர்ச்சி சம்பவம்

இந்தியாவில்…

இந்தியாவில் உள்ள மாதவரம் அருகே முதலாளியை கொன்று நகைகளை சுருட்டி சென்ற தம்பதிகளால் பெரும் பரபரப்பு ஏற்பட்டுள்ளது.

கொரோனா ஊரடங்கால் வருமானம் இழந்து வறுமையில் தவித்த தம்பதிக்கு தனது வீட்டிலேயே வேலை போட்டு கொடுத்த பெண்ணை அந்த தம்பதி கொடூரமாக கொலை செய்து, பொருட்களை கொள்ளை அடித்து சென்ற சம்பவம் சென்னையில் பெரும் அதிர்ச்சியை ஏற்படுத்தியுள்ளது.

கொரோனா தொற்றில் இருந்து மக்களை பாதுகாக்கும் நடவடிக்கையாக அரசு ஊரடங்கை அறிவித்தது. சில மாதங்கள் செல்ல செல்ல வருமானத்தை இழந்து தவித்த குடும்பங்கள், பசியால் வாடுவதைவிட கொரோனாவை எதிர்கொள்ள தயார் என்ற நிலைக்கு வந்துவிட்டனர். ஒரு வேலை உணவுக்காக காய்லாங்கடையில் திருடிய சிறுவனை மன்னித்து அனுப்பிய உரிமையாரின் சம்பவங்கள் பல இந்த ஊரடங்கில் நடந்துள்ளன. இந்த நிலையில், பாவம் பார்த்து வேலை கொடுத்த பெண்ணை கொலை செய்துவிட்டு தப்பிய தம்பதியின் செயல் அதிர்ச்சியை ஏற்படுத்தியுள்ளது. மேலும், இந்த நிகழ்வு தண்டுபாளையம் என்ற க்ரைம் திரில்லர் திரைப்பட காட்சியை போல் இருப்பதாகவும் கூறப்படுகிறது.

சென்னை மாதவரத்தைச் சேர்ந்தவர் ரவி. இவரது மனைவி கலைவாணி. இந்த தம்பதிக்கு ஒரு மகன் உள்ளார் அவர் புனேவில் வேலை பார்த்து வருகிறார். இந்நிலையில் ரவி சவுகார்பேட்டையில் ஃபைனான்ஸ் தொழில் செய்து வருகிறார். இந்நிலையில் ராகேஷ் என்பவர் ரவியின் வீட்டில் பெயின்டிங் வேலை பார்த்து வந்துள்ளார். ரவி வேலைக்கு சென்றுவிடும் நேரத்தில் கலைவாணி மட்டுமே வீட்டில் இருந்த நிலையில், ராகேஷின் பெயின்டிங் வேலையை மேற்பார்வையிட்டு வந்துள்ளார் கலைவாணி.

அப்போது ராகேஷ், நானும் எனது மனைவியும் வேலையில்லாமல் இருக்கிறோம், எங்களுக்கு ஏதாவது வேலை கொடுங்கள் என்று கலைவாணியிடம் இறக்கமாக கேட்டுள்ளார். அதனால் பரிதாபப்பட்டு கலைவாணி, ராகேஷுக்கு தனது வீட்டில் காவலாளி வேலையை கொடுத்தார். மேலும், வீட்டு வேலைகளுக்கு உதவியாக இருக்க ராகேஷின் மனைவி ரேவதிக்கும் வேலை கொடுத்துள்ளார். இதையடுத்து, தம்பதி இருவரும் அங்கேயே தங்கி வேலை பார்த்து வந்துள்ளனர்.

அப்போது, கலைவாணியிடம் அதிக நகைகள் இருப்பதை கண்ட வேலைக்கார தம்பதி அதனை கொள்ளையடித்து விட்டு செல்ல திட்டமிட்டுள்ளது. அதன்படி, இரண்டு நாட்களுக்கு முன்பு வீட்டில் தனியாக இருந்த கலைவாணியை ராகேஷும், ரேவதியும் சேர்ந்து வாய், கை, கால்களை கட்டியுள்ளனர்.

தொடர்ந்து ஒரு கம்பியை கொண்டு வந்து பலமாக தாக்கி கலைவாணியை கொ லை செய்துள்ளனர்.

இதன் பின்னர், வீட்டில் இருந்த 10 சவரன் நகைகள், பத்தாயிரம் ரூபாய் ரொக்கம் ஆகியவற்றை எடுத்துகொன்டு தப்பியுள்ளனர்.

குறித்த சம்பவம் தொடர்பாக வழக்கு பதிவு செய்த மாதவரம் போலீசார் குற்றவாளி தம்பதியை பிடிக்க தனிப்படை அமைத்து தேடி வந்தனர். இந்நிலையில் தம்பதி பெங்களூருவில் இருப்பதாக தகவல் கிடைத்தது. பின்னர் கேஆர் புறத்தில் வைத்து அவர்களை கைது செய்த போலீசார் சென்னைக்கு கொண்டு வந்து விசாரணை நடத்தி வருகின்றனர்.