பாடசலை அதிபருக்கு கொரோனா – உடனடியாக நிறுத்தப்பட்ட கற்றல் செயற்பாடு…!!

அதிபருக்கு கொரோனா தொற்று உறுதி….!

காலியில் எல்பிட்டிய பிரதேசத்தில் உள்ள பாடசாலையொன்றின் அதிபருக்கு நேற்றைய தினம் கொரோனா தொற்று உறுதியானதை அடுத்து இன்று (22) முதல் குறித்த பாடசாலை மூடப்படும் என்று சுகாதார அமைச்சு அறிவித்துள்ளது.

எல்பிட்டியவில் உள்ள ஒரு பிரதான பள்ளியின் அதிபர் மற்றும் அதே பகுதியில் உள்ள கனிஷ்ட பாடசாலையின் அதிபராக இருக்கும் அவரது மனைவி ஆகியோருக்கு கொரோனா தொற்று ஏற்பட்டுள்ளது. முதன்மை பணிகள் நடைபெறும் கனிஷ்ட கல்லூரியின் ஏழு ஆசிரியர்களும் தனிமைப்படுத்தப்படவுள்ளதுடன்,இன்று முதல் பாடசாலையும் மூடப்படுகிறது.

கொரோனா அறிகுறிகளுக்கான ஆன்டிஜென் பரிசோதனையில் தம்பதியினருக்கு கொரோனா தொற்று இருப்பது உறுதி செய்யப்பட்டது, மேலும் அவர்களின் குழந்தைக்கும் ஆன்டிஜென் பரிசோதனை மேற்கொள்ளப்பட்டது. எனினும் குழந்தை கொரோனா தொற்றால் பாதிக்கப்படவில்லை. இருப்பினும், குழந்தைக்கு பி.சி.ஆர் பரிசோதனை மேற்கொள்ளப்படவுள்ளது.

இந்த நிலையில் அதிபரும் குழந்தையும் கரந்தெனிய மருத்துவமனையில் உள்ள கொரோனா சிகிச்சை மையத்திற்கு அனுப்பப்பட்டுள்ளனர்.